МАХНамын трэндүүд...

Хэнтийн нөхөн сонгуульд найдвар тээж буй МАХН-ын дарга Н.Энхбаяр хэд, хэдэн трэнд гишүүдтэй. Тэдний нэг нь “Босоо” Ганбаа,  Гал үндэстний Ц.Мөнхбаяр нар юм. Үйл хөдлөл, үг хэлээрээ трэнд болсон эдгээр гишүүд нь улс төрийн амбийц өндөртэй нөхөдүүд. Хэнтийн нөхөн сонгуульд даргыгаа сойж, УИХ-д суудалтай болох гээд зүтгэж яваа МАХН-ын гишүүдийн үйл ажиллагаа ихэд идэвхитэй яваа. Хаа явсан газраа  хүмүүстэй уулзаж халуун яриа өрнүүлж, ухуулга хийх тэд саяхны нэгэн нээлтийн ажиллагаанд ирсэн нь энэ. Энэ өдөр тэд нэлээд хэдэн хүмүүстэй уулзаж байсан юм. Үргэлжид дээлээр гангарах  УИХ-ын гишүүн С.Жавхланшийн өнөөдрийн үзэл бодолд хүчтэй нөлөөлсөн Ц.Мөнхбаяр нөгөөх олны танил болсон  ногоон малгай, дээлтэйгээ явж байсан бол Босоо Ганбаа дэгжин пальто, хослолоор гангарчээ.