“Алтан Дорнод”-ын хүчтэн, аатай арслан

XVII жарны “Урвуулагч” хэмээх шороон гахай жилийн шинийн нэгэнд зориулсан улс, аймгийн алдар цолтой 256 бөхийн барилдаанд улсын арслан Р.Пүрэвдагва түрүүлж сар шинийн барилдааны анхны түрүүгээ авсан юм. Тэрээр “Алтан Дорнод Монгол” ХХК-аар  овоглож, бэлтгэл сургуулилтаа хангадаг хүчтэн маань аварга болох бөх гэж бөх сонирхогчид ярьдаг. Жил, жилийн наадамд түрүү бөхийн тааварт яригдах Р.Пүрэвдагва арслан сар шинийн баярын барилдааны үеэр манай папараццид өртсөн юм. Монгол түмэн сар шинэ болон үндэсний их баяр наадмаар түрүүлсэн бөхийг ихэд бэлэгшээн хүндлэл үзүүлдэг. Энэ жилийн хувьд МУ-ын арслан Р.Пүрэвдагва олон Монголчуудынхаа хайр хүндлэлийг хүлээж, сайхан шинэлсэн нь тодорхой биз ээ.