Тэд шинэхэн гавьяатаас дутуугүй баярлаж байна

Өчигдөр Монгол улсын ерөнхийлөгч эх орондоо үнэтэй хувь нэмэр оруулсан салбар, салбарын шилдэгүүдэд төрийн шагнал гардуулсан юм. Тэдний нэг нь жүжигчин С.Өлзийхүү МУГЖ эрхэм алдарын эзэн болж энгэрээ цоолууллаа. С.Өлзийхүүгийн энэ мөчийг ард түмэн хийгээд мэргэжил нэгт жүжигчид нь жилийн, жилд  хүлээж байсан гэхэд хилсдэхгүй. Ер нь манай урлагийнхан хоорондоо ихэд эвтэй байж, нэгнийхээ баярт мөчид заавал хүрэлцэн ирж халуун баярыг нь хуваалдаг уламжлалтай. Энэ өдөр ч ялгаагүй шинэхэн гавьяатад баяр хүргэхээр урлаг соёлынхон олон цуглажээ. Тэр дундаас жүжигчин С.Өлзийхүүгээс дутуугүй баярлах үе тэнгийн найзууд нь болох СТА Д.Бямбацогт, МУГЖ О.Бат-Өлзий, МУГЖ Н.Золбоот, МУГЖ И.Одончимэг болон Маск-ийн жүжигчид байлаа. Эдгээр жүжигчид олон ч дэлгэцийн бүтээлд хамтран ажилаж үзэгч олноо баясгаж байсан юм.