Хаана ч халуухан хосууд

Монголын урлагийн сайхан гэр бүл болох жүжигчин Тэмүүжин, Нарансолонго нар залуучуудад үлгэр жишээ болж буй сайхан хосууд. Тэд амьдралаа тэгээс эхэлж өдгөө айлын дайтай айл болж сайхан амьдарч яваа. Энэ талаар Тэмка нэгэн ярилцлагадаа “Анх лизингээр байр авч өөрийн гэх орон гэртэй болох дэндүү сайхан байсан. Анх хов хоосон байранд хивсээ дэвсээд дээр нь гудас, хөнжилөө дэлгээд л унтдаг байсан. Гал тогооны тавилага ч байхгүй. Тэгээс эхэлсэн бидний амьдрал надад амттай” хэмээн ярьсан байдаг. Ийн жинхэнэ хайраар аз жаргалаа нэхэж яваа хосууд маань хаана ч авсан ихэд халуун, дотно явдаг. Саяхан нэгэн нээлтийн үйл ажиллгааны үеэр хүрэлцэн ирэхдээ манай дуранд буусан юм. Халуухан хосууд маань энэ удаад ч мөн бие биедээ халдамжтай, гар гараасаа хөтлөлцөн явах нь үнэхээр сайхан харагдах ажээ.