Шавилхан Б.Мишээлд үндэсний дээл зохисон гэж “ванлий”

Сүүлийн үед “Эможи” цуврал киногоороо залуусыг хөгжөөж буй жүжигчин Б.Мишээлийг анхлан “Үүлэн үст” тодотголтойгоор олонд танигдаж эхэлж байсан юм. Түүнээс хойш дэлгэцийн хэд, хэдэн бүтээлд дүр бүтээж өөрийгөө ирээдүйтэй жүжигчин болохоо харуулж яваа нэгэн. Урлагийнхан дунд бие жижигч, биедээ баймгүй хөдөлмөрч бүсгүйчүүд хэд, хэд бий. Тэдний нэг нь Б.Мишээл. Эрдэнийн чулуу, эмэгтэй хүн хоёр жижигхэн байх тус чамин гэдэгчлэн тэр урлагт өдгөө гялалзах алхамаа хийсээр яваа бүсгүй. Нэг хэсэг мэргэжил нэгт жүжигчин Г.Анхбаяртай хайрын романс үүсгээд байсан Б.Мишээл гэнэтхэн л хувиараа бизнес эрхэлдэг М.Цэнгүүн гэх залуутай цуутай хурим хийж, хөөрхөн хүүгийн эцэг эх болсон ч өдгөө өрх тусгаарласан. Сүүлийн үед СУИС-ийн нэг ангийг хамтдаа төгссөн, “Мааз” хамтлагийн дуучин н.Жанчивтай хамтарч  уран бүтээл хийж байгаа. Ийн хөдөлмөр, хичээл зүтгэлийнхээ үр дүнг эхнээсээс эхлэн хүртэж яваа шавилхан бүсгүй Б.Мишээл саяхны нэг өдөр манай дуранд буусан юм. Тэрээр орчин үеийн загвараар урласан Монгол дээлээр гангарсан нь өөрт нь тун чиг зохьжээ.