Үдшийн үзэсгэлэнт “хар хун”

Азийн шилдэг жүжигчин өргөмжлөлт Б.Цэцэг байнга олны анхааралд байдаг бүсгүйчүүдийн нэг. Үзэсгэлэнт төрх, авьяас чадвар, боловсролоороо энэ цагийн залуу жүжигчдийн эрэлтэт жүжигчдийн нэгд орж яваа Б.Цэцэг  “Mongolian connection” кинонд хамтран тоглосон Казахстан улсын алдарт жүжигчин Санжар Мадитай хүртэл нэр холбогдоод амжсан. Чухам энэхүү мэдээлэл нь үнэн бодитой эсэхийг хэлж мэдэхгүй. Тус киноны нээлтэнд СТА цол тэмдэгээр энгэрээ мялаасан бүсгүй “Улаан оймс” ёслол хүндэтгэлийн арга хэмжээнд хүрэлцэн ирэх үеэрээ манай папараццид өртлөө. Энэ үдэш тэр урт хар даашинзаар гангаран ирсэн нь түүнийг үнэхээр үзэсгэлэн төгөлдөр харагдуулж байлаа. Энэ үдшийн үзэсглэнт “хар хун” хэмээн нэрлэгдэх жүжигчин маань цаашид олон сайхан дүрээрээ үзэгчидтэйгээ уулзаж, олон цол тэмдэгийн эзэн болох нь тодорхой биз ээ. Түүнд уран бүтээлийн өндөр амжилт хүсье.