Урлагаас улс төр лүү орсон “үглэгч” өнгө нэмжээ

Монголд хип, хоп урсгал дэлгэрч амтай болгон үглэж, борооны дараах мөөг шиг болсон, болоогүй хамтлагууд ар, араасаа хөврөн гарч байх үед Б.Батцэнгэл гэх залуу өөрийгөө Ноён Quiza хэмээн гарч ирж байсан цаг саяхан. Өдгөөгөөс 10-аад жилийн тэртээ хэд, хэдэн дуу нь сонсогчдод хүрч, нэр нь олонд хүрч эхэлсэн түүхтэй. Ийн карьер нь эхэлсэн үглээ дуучин залуу урлагаа гэнэт орхиж Нийслэлийн соёл урлагийн газрын даргаар томилогдож олны нүдийг орой дээр нь гаргаад амжсан юм. Даргын суудалд заларч, усанд хаясан чулуу мэт алга болсон үглэгч маань саяхан манай папараццид өртлөө. Тэрээн нэгэн хүндэтгэлийн арга хэмжээнд хүрэлцэн ирсэн нь энэ бөгөөд ойрд олны өмнө харагдаагүй үглэгч дарга үнэхээр өнгө нэмсэн гялтагар харагдана лээ. Одоо чухам яг юу хийж яваа гэдгийг баттай хэлэх эх сурвалж байхгүй ч ямартай ч ил, далд карьер хөөж байгаа нь тодорхой биз ээ.