Поп дива хатагтайн үндэсний гоёл

Рок, попын нэгэн тод өнгө поп дива хатагтай Ж.Алтанцэцэг энэ цагийн Монголын урлагийн нэгэн том төлөөлөл. Олон жил урлагт үнэнчээр зүтгэж, монгол түмнээ цээл сайхан хоолойгоороо баясгаж ирсэн дуучин бүсгүй маань ар гэр, ажил амьдралаа аль, алийг нь орхигдуулалгүй эн тэнцүү авч явсаар өдийг хүрсэн айлын сайн эзэгтэй гэх юм билээ. Түүний стиль имиджийг тэр гэхийн аргагүй өөрчлөгдөж явдаг нэгэн. Манай рок попынхон тайзнаа үндэсний хувцасаар гангаран гарна гэдэг нүдний гэм. Харин Ж.Алтанцэцэг аль, алийг нь хослуулан өмсдөг бөгөөд саяхан нэгэн арга хэмжээнд хүрэлцэн ирэхдээ үндэсний орчин үеийн загварлаг дээлээр гангаран иржээ. Дашрамд дуулгахад тэр зохиолын дууг ч үнэхээр сайхан дуулдаг юм билээ.