Мисс Т.Туяамаагийн албаны төрх

Эх орноосоо гарч гадаад улсад загвар өмсөгчөөр олон жил ажиллаж, амьдарч байгаад ирсэн миссүүдийн нэг Т.Туяамаа гол төлөв энгэр задгай хувцасладаг нэгэн. Манай мисс нэртэй бүсгүйчүүдийн нийтлэг гаргадаг алдаа гэвэл гадаад хэлний мэдлэг муутайн улмаас энд, тэнд шүүмжлэлд өртөх нь олонтаа. Тэгвэл Т.Туяамаа саяхнаас энэхүү алдаа дутагдлыг засахаар "HATUN model and talent management" агентлаг байгуулж миссүүдэд Catwalk technique, загварын алхаа, гоо зүй, стиль имиж болон сэтгэл зүйн зөвлөгөө өгөхөөс гадна англи хэл, иога, балет, уртын дуу, уйгаржин Монгол бичиг зэргийг заахаар ажилдаа шуудран орж, завгүй яваа сурагтай. Тэрээр саяхны нэг өдөр нэгэн үйл ажиллагаанд манай дуранд өртсөн юм. Энэ удаа тэр өмнөхөөсөө өөр ажил хэрэгч, албаны төрхтэй явж байв. Гэхдээ мэдээж энгэр задгай имиджээ алдаагүй шүү.