Хар шил, бүрх малгайгаар төсөөлөхгүй байхын аргагүй эрхэм хэн гээч

Лемонс хамтлагийн дуучин Ц.ОДбаярыг найзууд нь Одноо хэмээн дууддаг. Тэрээр урьд нь “Madness” хамтлагт дуулдаг байжээ. Түүнийг хар нүдний шил, бүрх малгайгүйгээр төсөөлөхөд тун бэрх. Нүдний шил зүүх нь түүнд илүү тухтай байдаг бөгөөд одоо бүр зүүгээд дасал болсон. Дууны үг бичих хоббитой. Мөн наруулагч Тим Бартоны хийсэн кинонуудыг ихээр цуглуулалдаг гэсэн шүү. Гэртээ байх нь түүнд хамгийн том амралт болохоос гадна тааваараа, эрх чөлөөг мэдэрч чаддаг. Одноод шөнө цас орж байхад цонхоороо харж зогсох, бороо ороход цонхоо онгойлгоод үнэрийг нь үнэрлээд, зүсрэн шаагиж байгаа тэр борооны дуслийн чимээнээс эрч хүчийг авдаг гэсэн шүү. Ийм нэгэн эрхэм манай энэ удаагийн папараци дуранд өртлөө.