Тэд хамтдаа явна...

Арав гаруй насны зөрүүтэй ч хайр сэтгэлийн хүчээр хамтын амьдралаа босгосон жүжигчин Т.Бархүү, И.Одончимэг хоёр нас бол тоо гэдгийг харуулж чадаж яваа хоёр. Т.Бархүү, И.Одончимэг хоёр гэр бүл болсоноос хойш арваад жилийг ардаа үджээ. Тэд 6 жилийн өмнө Сүндари хэмээх охинтой болсныг үзэгчид санаж байгаа байх. Дашрамд дуулгахад Бархүү Одончимэгт “Сэргээш” хэмээх бидний сайн мэдэх  хошин шогийн зураг авалтын үеэр дурласан гэдэг шүү. Сүүлийн үеийн арга хэмжээнүүдэд Бархүү байнга ганцаараа оролцож яваа харагдах болсон. Түүнийг чухам яагаад ийн ганцаараа явах болсныг гайхах болсон хүмүүс цөөнгүй байсан. Тэгвэл саяхан нэгэн баярын үйл ажиллагаанд тэд хамтдаа ирсэн нь манай дуранд буусан юм.