Дэлгэцийн бүтээлд нахиалж буй дэлбээ

Хар сувдны нууц кинонд гол дүр бүтээж олонд танигдаж байсан “Монгол модель” агентлагийн загвар өмсөгч М.Намуунцэцэг нь загварын тайзаас гадна дэлгэцийн бүтээлд дэлбээлж буй цэцэг билээ.  Загвар өмсөгчийн дебют гараагаа “Гоёо”-гийн нүүр царайгаар, жүжигчний карьераа “Хар сувдны нууц” киноны “үнэг” Цоомоогийн дүрээр эхлүүлсэн тэр цаашид ч хэд, хэдэн бүтээлд дүр бүтээж байгаа сурагтай. Мэргэжлийн хүрээнийхэн түүнийг хувирах чадвар сайтай тайзны ч, моодны ч модель гэж үнэлдэг бол олон нийт Пүүжээг хол хаях загвар өмсөгч хэмээн үнэлдэг гэдэг. Загварынхан кино урлагт орох амархан ч мэргэжлийн бус, чадваргүй гэдгээрээ жийгддэг. Гэхдээ бүгд биш.