“Хонх”-ын Н.Энхбаяр С.Зоригын хөшөөнд...

Тэртээх 26 жилийн өмнө Ардчилсан хувьсгалыг цуурайтуулж байсан “Хонхны дуу” өдгөө ч бид бүхний сэтгэл зүрхэнд эгшиглээстэй. “Бидний араншин”,” Үүлэн чөлөөний нар”, “Хотын гудамж”, “Алтан хавчаар”,  “Рашаантын 18”, “Албан тасалгааны цонхоор” зэрэг олон дуугаар Монголын урлагт нэгэн шинэ өнгө нэмж, шүүмжийн өнгө аяс гаргаж байсан “Хонх” хамтлагийн дуучин Н.Энхбаярыг орчин үеийн залуус төдийлөн сайн мэдэхгүй байх.  С.Цогтсайхан хорвоогийн мөнх бусыг үзүүлсэнээс хойш  тайзнаа гараагүй “Хонх” хамтлаг 25 жилийнхээ ойгоор даруухан тоглолт хийсэн билээ. Дашрамд сонирхуулахад "Хонх"-оор овоглосон Энхбаяр бол манай нэрт хөгжмийн зохиолч,удирдаач Ц.Намсрайжав агсны отгон хүү, удирдаач УГЗ Н.Бүтэнбаярын дүү нь ажээ. Тэрээр саяхны нэг өдөр ардчилалын алтан хараацай С.Зориг агсаны хөшөөнд цэцэг өргөх үеэрээ манай папараццид өртсөн юм.