Тайгын, Говийн гүнжийн хайрт ханхүү...

Хэдэн жилийн өмнө Содура кинонд тайга хөвчийн гүнжийн хайрт залуугаар нь тоглож байсан жүжигчин О.Амгаланбаатар Хөвсгөлийн хөвчөөс монголын урд хязгаар Галбын говь руу бууриа сэлгэжээ. Тэрээр “Говийн домог” УСК-д говь нутгийн гүнжийн дурлалт залуугийн дүрд тоглосон байна. Ийн эх нутгийнхаа хоймор болон өмнө зүгт гүнжүүдийн сэтгэл зүрхийг татсан ханхүүгийн  дүрд тоглох ховорхон тохиолдол бас нэгэн аз завшааны эзэн болсон чадварлаг жүжигчин. Тэрээр киноныхоо нээлтэнд ирэхдээ хослолтойгоо өнгө ижил малгайгаар гангарчээ. Гартаа ганц сарнай барин алхах тэрээр Ханхүү адил. Магадгүй тэрхүү сарнай Говь нутгийн сайхан гүнжийн дүрд тоглосон бүсгүйд зориулагдсан биз.