Б.Навчаа эгч ээ нааш аа надтай сэльфидээч...

   Хээгүй гэгдэх Б.Навчааг өдгөө мэдэхгүй хүн ховор. Урлагийн тайзнаа бусдыг бодвол хожуу орсон ч шаргуу зан, дайчин чанараараа урлагт үлдэх өөрийн мөр тамгаа амжилттай үлдээсээр яваа бүсгүй.  Түүний хувийн амьдрал тийм ч дардан байгаагүйг уншигч та хэвлэл мэдээллээс бишгүй л уншсан байх. Өөрийн гашуун амьдралыг нуулгүй  олон нийтэд дэлгэж нэг хэсэг хэвлэл мэдээллийн хэрэгсэлүүд түүний амьдралын тухай хүүрнэсэн учир би энд өгүүлэх нь илүү биз. Сүүлийн жилүүдэд мөрөөдлийн театрын дүү нартайгаа хошин урлагт хүч үзэхийн чацуу кино урлагт  өөрийн гэсэн замыг гаргаж яваа эмэгтэй. Түүнийг мэргэжил нэгт дүү нар нь ихэд хүндлэх юм билээ. Арга ч үгүй биз. Аливаад хичээл зүтгэл, чин сэтгэл байхад хүндлэл өөрөө хүссэн хүсээгүй ирдэг хойно. Нэгэн кино нээлтийн үеэр “Навч аа эгчээ, наашаа надтай...” гэсэн манай урлаг соёлынхон нэлээд харагдана лээ шүү.