Цэцэг юунаас ичив

Эрүүл, зөв хооллолтын хичээлээр илүүдэл жинтэй охид хүүхнүүдийг ёстой л нэг хуйлруулж байгаа жүжигчин Б.Цэцэг охиноо хэвлийдээ тээж байх үедээ 128 килограмм хүртэл таргалсан ба түүнийг “Баавгай эгч” хэмээн үзэгч фэнүүд нь хочилсон удаа ч бий. Харин төрснийхөө дараа зөв хооллолт, дасгал сургуулилтын ачаар танигдахын аргагүй гоолиг биетэй болсон Б.Цэцэг орчин цагийн сайхан хүүхнүүдийн нэг гэдгээ зүй ёсоор баталж чадсан гэдэг. Тэгвэл жингийн илүүдлийг ихэд үзэн яддаг бүсгүй ойрд өөрийнхөөрөө "ярзайтлаа" инээж чадахгүй байгаа гэнэ шүү. Тэрээр амны хөндийн гоо сайхандаа анхаарч гажиг заслын аппарат зүүсэн ба түүнээсээ ичээд олигтой инээж чадахгүй байгаа гэнэ. Үргэлж инээмсэлэлээрээ өөрийгөө гоёдог Цэцэгт ингэж жуумалзаад байх ёстой зохихгүй байна.