Орчин цагийн “Мулан”-ы найз залуу хэн бэ ?

“Sony pictures”, “Walt Disney” хамтран Хятадын түүхэн баатар Муланы тухай уран сайхны киног хийхээр болсон билээ. Тэгвэл ирэх 2018 оны 11 дүгээр сарын 2-нд нээлтээ хийх тус киноны гол дүрийн төлөө 10 гаруй орны 1000 гаруй уран бүтээлч өрсөлдсөнөөс  БНХАУ-ын жүжигчин, 30 настай Лю И Фей шалгарсан юм. Түүний хувьд Хятадад төрсөн хэдий ч Америкийн иргэншилтэй нэгэн бөгөөд чамгүй алдартай яваа жүжигчин юм. Хувийн амьдралын хувьд тэрбээр “The third way of love” кинонд хамтран тоглосон БНСУ-ын алдартай жүжигчин Сун Сын Хёнтой үерхдэг юм. Тэд 2015 оны наймдугаар сард болзож буйгаа албан ёсоор зарлаж байжээ.