Түүний жинхэнэ авьяас хэзээ гарах вэ

“Дэлхийд дурласан сар”, “Код”, “Голланд сарнай”, “Давхар цохилт”, “Учрал” зэрэг олон дэлгэцийн бүтээлийн гол болон, туслах дүрд тоглосон залуу жүжигчин Мишээл өнөө цагийн эрэлттэй хүмүүсийн нэг. Зөвхөн эрчүүд гэлтгүй бүсгүйчүүдийн ч хайрыг татсан Мишээл мэргэжил нэгт залуу Анхаатай нэг хэсэг амрагласан ч тун удалгүй хоёр тийш болж шинэхэн хайрттайгаа хуримаа хийн үрийн зулай үнэрлэсэн. Нялх биетэй хэрнээ кино, зар сурталчилгаанд хүч үзсээр байсан түүний шинэхэн уран бүтээл үзэгчдэд хүрлээ. One night нэртэй энэхүү кино Мишээлийн хувьд өмнөх бүтээлүүдтэй яг л адилхан хэв маягтай юм байна лээ. Мишээл жүжигчний ур чадвараа бүрэн гаргасан, өөрийгөө дайчилсан уран бүтээлд өнөөг хүртэл дүр бүтээгээгүй байгаа. Эрх танхил охины дүрийг бүтээсэн түүнээс өөр зүйлийг шаардах найруулагч одоохондоо алга бололтой.