Бусдыгаа шинжих гэж ирэв

Өдгөө кино урлагт толгой цохиж, хийсэн бүтээл бүр нь хит болж байгаа хүн бол найруулагч Тамир билээ. Хамгийн сүүлд гэхэд л Зүрхний хилэн киног найруулж тэр нь үзэгч, шүүмжлэгчдээс ихээхэн оноо авсан. Нэг киноныхоо нээлтийг хийж байхдаа л дараагийн бүтээлийн эвлүүлгийн ажилд аль хэдийнээ орчихсон байдаг тэрээр удахгүй Маш нууц киноны хоёрдугаар ангийг үзэгчдийн хүртээл болгох гэж байгаа. Гэрлийн хурдаар өсөж дэвжиж байгаа энэ залуу бусдыгаа шинжиж баримжаа авахаар зургаан найруулагчийн бүтээсэн Бумиранг киноны нээлтийг зорин ирсэн бололтой. Түүнийг кино театрт ороод ирэхэд л хүмүүс яагаад энэ кинонд найруулагчаар ажиллаагүй юм бол гэх яриаг үүсгээд авна лээ.