Майли Сайрус ”Дуу хоолой” шоуны оролцогчийг гэр оронтой болгожээ

Admin

2018/01/06

Багагүй хугацаанд завсарласны эцэст Майли Сайрус "Дуу хоолой" шоуны шүүгчдийн бүрэлдэхүүнд эргэн нэгдэж, багийнхандаа анхаарал тавих болсон юм. Тус шоуны 13-р улирлын шилдэг оролцогчдын нэг Жанис Фриймэн Сайрусын багт орсон бөгөөд тэрбээр твиттер хуудсаараа дамжуулан гэр бүлд нь орон гэртэй болоход тусалсанд Майлид талархаж буйгаа илэрхийлжээ.

Майли бүсгүй Жанис болон түүний гэр бүлд хүссэн байшингаа худалдаж авахад санхүүгийн болон бусад дэмжлэгийг үзүүлсэн гэнэ. Жанис "Бүгдэд нь баярлалаа. Гэхдээ Майли бидэнд толгой хоргодох орон гэртэй болоход санхүүгээр тусалж, хөл дээрээ босох хүртэл минь зургаан сарын турш намайг дэмжсэн. Тэр бол алт шиг хүн. Түүний зүрх сэтгэл үнэхээр цагаахан. Майли чи бол миний хамгийн ойрын найз. Бид бүгд чамайг бидэн рүү илгээсэн бурханд талархаж байна" хэмээн жиргэжээ.

Сайрусын багт байсан өөр нэг хүн дуучин бүсгүйг үнэхээр сайхан сэтгэлтэй гэдгийг 2016 оны 10-р сард нэгэн хэвлэлд ярилцлага өгөхдөө хэлж байсан юм. "Тэр бол шоуны хамгийн сэтгэлээрээ шүүгч. Тэр шоуны турш багийнхныхаа үс засалт, нүүр будалт, хувцаслалтад анхаарал тавьж, дуугаа давтахад туслахдаа ямар ч үнэ хөлс авдаггүй. Ингэх хүн бараг байхгүй шүү дээ. Тэр багаас нь хүн хасагдахад үнэн сэтгэлээсээ уйлдаг. Бас оролцогчдынхоо гэр бүлийнхэнтэй ч ойр байдаг" хэмээж байжээ.

Сүүлд нэмэгдсэн мэдээ