“WeChat”-ийг иргэний виртуал үнэмлэх болгох туршилт эхэлжээ
Хятадын томоохон сошиал сайт “WeChat”-ийг Гуанжөү мужийн Наньша дүүрэгт иргэний цахим үнэмлэх хэлбэрээр ашиглах туршилт эхэлжээ.
Уг ажлыг “WeChat”-ийг хөгжүүлэгчид Нийгмийн даатгалын яам, банкууд, төрийн хэрэгжүүлэгч хэд хэдэн агентлагуудын тусламжтайгаар боловсруулсан байна.
“Синьхуа” агентлагийн мэдээлснээр сошиал харилцааны арр-ийг иргэний виртуал үнэмлэх хэлбэрээр ашиглахын тулд хамгийн түрүүнд цаасан тодорхойлолтуудыг орлуулна. Цаасан үнэмлэх дээр байрладаг иргэний мэдээллүүдийг “WeChat ID” программд нэвтрүүлж эхэлжээ.
Үүний хүрээнд иргэд төрийн цахим үйлчилгээ, цахим бус үйлчилгээнүүдийг цаг алдалгүй авах, хүргэлтийн үйлчилгээ, тасалбар захиалах гэх мэт асуудлыг шийдвэрлэнэ. Технологийг санаачлагчид онлайн үнэмлэхний халдлага, хулгайгаас сэргийлэхийн тулд ID код өгөхөөс гадна хэрэглэгчийн мэдээллийг баталгаажуулах үүднээс нүүр таних технологийг нэвтрүүлж чадсан байна.
Даваа гарагт эхэлсэн туршилтаас хойш 24 цагийн дотор 30 мянган хүн “WeChat ID” программд нэгдэх өргөдөл ирүүлжээ. Ирэх оны нэгдүгээр сараас улс орон даяар уг хөтөлбөрийг хэрэгжүүлэхээр төлөвлөж байгаа ч үүнээс өмнө Гуанжөүд туршилт явуулна.
Л.Энх-Амгалан: Багшийн ачааллаас эхэлж чөлөөлнө
Нийслэлийн 2 дүүрэг, 8 аймгийн 21 суманд 25 удаагийн ой, хээрийн гал түймэр бүртгэгдээд байна
Эмээлт эко аж үйлдвэрийн паркийн бүтээн байгуулалтыг энэ сарын дундуур эхлүүлнэ
Түгээмэл тархацтай ашигт малтмалыг хууль бусаар олборлосон үйл ажиллагааг таслан зогсоолоо
Албан тушаалын байдлаа урвуулан ашиглаж, мөнгө угаасан хэргүүдийг шүүхэд шилжүүлжээ
"Хоёрдугаар тойрог зам" төсөл хэрэгжсэнээр хотын зүүн бүсийн түгжрэл 20-25 хувиар буурна
С.Амарсайхан: Би Төрийн ордонд хэрэг ярихгүй