Ахмадуудын эгнээнд орсон ч уран бүтээл өнжихгүй нэгэн

Удам дамжсан авьяасаа хөгжүүлж, ургуулж, арчилж, зүлгэж тордож яваа энэ бүсгүй бол УДЭТ-н жүжигчин Жамрсанжавын Одундарь юм. Түүний эцэг Монголын театр, дэлгэцийн урлагийн сор болсон агуу жүжигчин байсан хэмээн үе үеийн урлагийнхан хүндэлдэг. Харин түүний ээж нь Драмын театрт нүүр хувиргагчийн ажлыг гүйцэтгэж байсан.

Өөрийн дөрвөн ах дүү нар дотроос ганцаархнаа урлагийн мэргэжлийг сонгон, түүгээрээ ч амжилттай яваа МУГЖ Ж.Оюундарь Анагаахын сургуульд хуваарь авч байсан ч түүний урлагт хайртай сэтгэлийг нь хэн ч хорьж дийлэлгүй, эргэлт буцалтгүй аавынхаа мэргэжлийг өвлөн авсан гэдэг.  “Удамшсан авьяасыг хөгжүүлж, ургуулж, арчилж чадахгүй бол унтардаг” гэж нэгэнтээ хэлсэн тэрбээр үнэхээр ч хэлсэн үгэндээ эзэн болон өдийг хүртэл ард олныхоо өмнө “цул” авьяасаа гайхуулан бүхий л кинонд дүр бүтээж яваа гэхэд нэг их буруудахгүй л болов уу.