O COUTURE шоуны зохион байгуулагч

Сүүлийн гурван жилд шоу, энтертайнментын чиглэлээр ажиллаж байгаа загвар өмсөгч Энхболд өөрийгөө ёстой л нэг “хамелон” шиг ямар ч салбарт хувирч чадахаар олон талын авьяастай гэдгээ батлаад байгаа. Боловсрол суваг телевизийн “Яг түүн шиг” шоу нэвтрүүлэгт орсноос хойш зөвхөн загвараас гадна урлагийн өөр салбарт хөрвөж чадахуйц гэдгээ харуулсан залуу өөрийн оролцсон томоохон тэмцээнүүдийг цойлсоор байгаа. Түүгээр ч зогсохгүй шоу, арга хэмжээг мэргэжлийн хүнээс ч илүү сайн зохион байгуулдаг гэхэд нээх холуур зөрөхгүй байх. Учир нь тэрээр жилдээ 2-3 удаа зохион байгуулагддаг O COUTURE шоуг өөрийн гараар бүтээдэг тэрээр энэ удаа ч хойш суусангүй. Заал зохион байгуулахаас эхлээд л жижиг сажиг бүхий л зүйл анхаарлаа хандуулдаг тэрээр түр амсхийж байхдаа манай дуранд өртлөө.