Weeknd дахиад л Биберийн экстэй нэр холбогдов

Дуучин Weeknd Селена Гоместой арван сарын турш болзож байсан ч түүнийг экс хайрт Жастин Биберт нь алдсан. Тэгвэл Гомесоос салаад удаагүй байгаа Weeknd мөн л Бибертэй хэсэг хугацаанд нэр холбогдож байсан Йованна Вентура гэгч бүсгүйтэй уулзаж эхэлсэн бололтой. Өнгөрөгч пүрэв гарагт болсон нэгэн үдэшлэгт Weeknd Йованнатай хамт очсон бөгөөд тэнд байсан хоёр цагийн турш хаа ч явсан гар гараасаа хөтлөлцөн их л дотно харагдсан гэнэ шүү. Гэтэл эх сурвалжуудын өгсөн мэдээллийг батлах мэт Weeknd Вентуратай нэг машинд хамт сууж буй зургийг нь папарациуд авч дөнгөжээ. Хосууд баасан гараг /2017.11.10/-ийн орой шөнийн клубээс гарч явахдаа нэг машинд хамтдаа суусан байна. 
Йованна Вентурагийн хувьд 2015 онд Бибертэй нэр холбогдож байсан ч удаа ч үгүй дуучин залуу Кайли Женнертэй учир ургуулсан гэх мэдээлэл гарах болсон. Гэсэн ч эцсийн бүлэгт Бибер Селенаг сонгосон билээ.