Трамп эзэн хааны өмнө бөхийсөнгүй

АНУ-ын Ерөнхийлөгч Дональд Трамп Азийн орнуудад хийж буй төрийн дээд хэмжээнийхээ айлчлалынхаа хүрээнд Япон улсад хүрэлцэн ирээд буй билээ. Тэрбээр өчигдөр тус улсын Ерөнхий сайд Шинзо Абетэй уулзаж, хоёр улсын хамтын ажиллагааны талаар ярилцсан юмТэгвэл Цагаан ордны тэргүүн өнөөдөр Японы сүр жавхлант эзэн хаан Акихито, хатан Мичико нарт бараалхсан талаар “www.cnbc.com” сайт мэдээллээ. Уг уулзалтын үеэр Трамп эзэн хааны өмнө бөхийлгүй зүгээр гар барин мэндэлсэн нь олныг гайхшруулжээ. АНУ-ын Ерөнхийлөгч асан Барак Обама 2009 онд эзэн хаантай уулзах үеэрээ бөхийж, хүндэтгэл үзүүлж байсан юм.