Нью-Йорк хотод террорист халдлага үйлдэх гэж байсан гурван этгээдийг баривчилжээ

Нью-Йорк хотод террорист халдлагууд үйлдэхээр төлөвлөж байсан гурван этгээдийг баривчилжээ. "Нью-Йорк хотод халдлага үйлдэхээр төлөвлөж байсан Пакистанд амьдардаг Америкийн 19 настай иргэн, Канадын 19 настай иргэн болон Филиппиний 37 настай иргэнийг баривчилсан" байна. Тэд зун уг ажлаа хийхээр төлөвлөж байсныг тус хотын холбооны ажилтнууд нууцалсаар өнөөдөр хэвлэлүүдэд мэдээллэжээ.  Сэжигтнүүд нь Нью-Йорк хотын Манхэттен дүүргийн төвд орших "Таймс-сквер" талбай болон метронд террорист халдлага үйлдэхээр төлөвлөж байсан гэнэ. Тэд халдлага үйлдэхийн тулд тэсрэх төхөөрөмж хийх материалууд худалдан авсан байжээ.