Дэлхийд цөөн байх Оросын содон сор болсон машинуудын парадыг Алтан Жолоо Группын Ерөнхийлөгч В. Энхбаатар хийнэ

Алтан жолоо группын ерөнхийлөгч Энхбаатарыг шилдэг бизнесмен гэдгээр нь манайхан мэддэг. Тэрээр одоо болж буй Хүрхрээ дээд лигийн ерөнхий спонсор  Арвай үндэс компани түүний мэдлийнх. Тэгэхээр уг эрхэм спортын салбарт хайртай нэгэн. Эрхэм ерөнхийлөгчийн хувьд маш ховор нандин машины цуглуулгатай гэдгээрээ машин сонирхогч залуусын хүрээнд хэдийнээ танигдсан нэгэн. Өөрийнх нь эдлэж хэрэглэдэг машинуудад нь хийгдэх засвар үйлчилгээг Германы Мерседес Бензээс ирж хийдэг нь төмөр хүлгүүддээ хэр анхаарал тавьдагыг илтгэнэ.  Мөн түүний сор болсон хуучны нандин ховор орос машины цуглуулга олон хүний нүдийг хужирладаг. Тэгвэл тэр бүр ил гаргаад байдаггүй хуучны орос ганган хүлгүүдээрээ Алтан жолоо группын 25 жилийн ойд зориулан энэ сарын 30-нд парад хийх гэж байгаа гэх мэдээлэл цахим ертөнцийг донсолгоод байна. Ганган төмөр хүлэг сонирхогч залуус уг парадыг хүлээж тэсэхгүй байгаа талаараа ам уралдан ярилцаж байна.  Түүний машинуудын хувьд бүтээгдсэн оноосоо хойш ганц ч эвдрэл гэмтэл, засвар ороогүй ганган амьтад байдаг гэнэ лээ шүү.