Ирма хар салхины улмаас Майами хот усанд бүрэн автаж гурван хүн нас барлаа
Асар их хор хөнөөлт Ирма хар салхи өчигдөр АНУ-ын Флорида мужид хүрсэн. Харин салхины хүч нь өмнөхөөсөө харьцангуй суларсан ч, хүний амь насанд аюул учруулах хэмжээнд байгаа тул онц байдлаа үргэлжлүүлсээр байна.
АНУ-ын цаг уурчдын мэдээлснээр, хар салхийг хүчнээс нь хамаараад I-V зэрэгт хуваадаг бөгөөд “Ирма” хар салхины хүч одоо II зэрэгтэй байна. Энэ хар салхи 183.6 км/ц-ийн хурдтайгаар урагшилж байгаа аж. Карибын тэнгисийн арлууд, тэдгээрийн дотор Сен-Мартен аралд энэ хар салхины улмаас нийтдээ 27 хүн амиа алджээ. Харин Флоридад өчигдөр гурван хүн нас барснаар байгалийн гамшгийн улмаас нас барагсдын тоо 30-д хүрлээ.
Мөн Мексикийн өмнөд хэсэгт хар салхины улмаас ширүүн бороо орж, хоёр сая орчим хүн цахилгаангүй болжээ. Хар салхины улмаас өргөн уудам талбайг хамарсан хүчтэй салхи хөдөлснөөр барилгын кранууд унаж, мод үндсээрээ булгарч унасан байна. Флоридагийн томоохон хот болох Майамигийн зам талбай ч усанд автжээ.
Таксигаар үйлчлэх нэрийдлээр эмэгтэйчүүдийг дээрэмдэн, хүчирхийлсэн байж болзошгүй этгээдүүдийг баривчилжээ
Бүх нийтийн их цэвэрлэгээг хоёрдугаар сарын 10-15-нд зохион байгуулна
Ерөнхий сайд Г.Занданшатар Эрчим хүчний сайд Б.Чойжилсүрэнд нэг сарын хугацаатай үүрэг өглөө
Улсын аварга малчин, саальчин, фермер, тариаланч хамт олон, тариаланчдыг шалгарууллаа
Гэр бүл, хөдөлмөр, нийгмийн хамгааллын салбар 2026 оныг Хөдөлмөр эрхлэлтийг дэмжих жилээр зарлалаа
Чингис хааны өв соёлын хүрээлэнг “Чингис хаан” үндэсний музейд нэгтгэлээ
Засгийн газрын урт хугацаат бонд, Монголбанкны үнэт цаас худалдан авахад зарцуулах хөрөнгийн хэмжээг баталлаа