Намын даргадаа тал засах хэрэгтэй гэнэ

АН-ын ууган гишүүдийн тоонд ордог УИХ-ын гишүүн асан Р.Гончигдорж манай дуранд өртлөө. Р.Гончигдорж 1990 онд анх улс төрд орж, АИХ-ын сонгуульд сумынхаа даргатай өрсөлдөн ялсан юм. 1990 оны анхны ардчилсан сонгуульд МСДН-аас нэр дэвшин ялалт байгуулж, Ардын Их Хурлын депутатаар сонгогдон парламентад анх орж ирсэн түүхтэй. Тэрээр Монголын улс төртэй 25 жил зууралдаж суусан хүн. Эхнээсээ гэзэг үсээ гөрөөлөн сүлжиж сур, шидмэсээр боосныгоо “Жинхэнэ төрийн хар хүн болсны нотолгоо” хэмээн зөнөглөж явсан. Гэр орондоо үр ачаа тойруулаад жаргаж суух 60 давсан насандаа улс төртэй орооцолдож, хор найруулж суусан түүнийг хийсэн зүйлтэй хүн гэж хэлэх хүн ховор. Тэгвэл их хурлаас гарсан ч гэсэн дахин орох санаархал байгаа бололтой. Учир нь намын сурталчилгааны хаалтад ирж оролцож байгаа харагдсан. Бүр ч болоогүй нэр дэвшигч намын дарга хоёроо их л харуулдаж, даган гүйж байна лээ. Нас намбатай хүн байж доод үеийнхэндээ хөл алдах муухай харагдаж байна шүү хэмээх яриа ирсэн олны дунд гараад авна лээ. 

PAPARATSI.MN