Ганбаа морь унаад уралдана гэв үү?

Шинэ үе продакшнаас гарч мөрөөдлийн театрын цусыг сэлбэсэн хүмүүс бол Отгоо, Ганбаа хоёр. Продакшний захирал Бооёотой харилцаа муудаж, эв зүйгээ ололцохгүй байсаар шинэ үеийг орхин одсон гэх яриа гараад байгаа билээ. Ямартай ч Бооёог шинэхэн ногоонуудтай нь үлдээж, Мөрөөдлийн театрыг улам хүчирхэгжүүлсэн мань хоёр оддын бэсрэг наадамд шинэхэн хамт олонтойгоо ирсэн байна лээ. Жүжигчин Ганбаагийн хувьд унаган махтай нэгэн. Ямар ч машинд ороод суухад суусан тал руугаа далийдаг л юм даа гээд хошигнож байсан Ганбаа оддын бэсрэг наадамд өөртөө их л итгэлтэй хурдан морины уралдаанд унаач болж оролцох гэж байна лээ. Хурдан морины уралдаанд хөнгөхөн жижигхэн хүн хэрэгтэй. Гэтэл Ганбаа өөрийн биеийн жингээ үл тоож, морин дээр мордож уралдах хүсэлтэй байсан ч түүнийг арай томдож байна гээд наадмын зохион байгуулагч нар хасаж байгаа харагдана лээ.

PAPARATSI.MN