БНСУ Ким Чен Уны довтолгоонд хариу барихад бэлэн

БНСУ өчигдөр эх орондоо үйлдвэрлэсэн “Хёнму-2” гэх баллистик пуужинг туршжээ. Пуужин 800 км-ийн тусгалтай аж. Туршилтыг Сөүлээс 200 км-ийн зайд байх туршилтын талбайд хийхэд Ерөнхийлөгч Мүн Жэ Ин өөрийн биеэр байсан гэнэ. Өмнөд Солонгосын Ерөнхийлөгч энэ пуужингаа Хойд Солонгосын пуужингийн довтолгооны эсрэг ашиглахад бэлтгэж туршиж буйгаа онцолжээ. БНАСАУ өчигдөр пуужингийн хөдөлгүүр туршсан билээ. Ийнхүү Ким Чен Ун энэ оныг дуустал хоёр долоо хоноод л нэг удаа пуужин турших төлөвтэй байгаа аж.