Нөхрөө ил гаргадаггүй дуучин бүсгүй

Урлагийн ертөнцөд нэлээд эрт хөл тавьсан ч, хип хоп хамтлагуудтай цуг дуулснаар нь сонсогч фэнүүд нь илүүтэй таньдаг гэх дуучин Б.Баярцэцэг “амбиц” муутай нэгэн. Өөрийнхөө тухай тэгтлээ их ярьж, энэ тэрүүгээр сурталчилж гүйх дургүй болохоороо ч тэр үү. Урд хөршид багагүй хугацаанд ажиллах үеэрээ олон улсын хөгжмийн наадмаас Гран при шагнал авснаар барахгүй бүр Орос, Хятад дууны цомог хүртэл гаргаж явснаа тэр бүр онцолж сүржигнэдэггүй гэлцдэг. Эх орондоо ирсэн цагаас хойш хоёр ч цомог, нэлээд хэдэн тоглолтын ард гарсан дайчин бүсгүй маань амаржаад нэлээдгүй хугацаа өнгөрсөн. Бизнесмэн нөхрийнхөө ачаар хэн хүний царайг харахааргүй амьдардаг гэх дуучин Б.Баярцэцэг урлагтаа бус хөөрхөн охин, хань хоёртоо анхаарлаа хандуулаад байгаа. Түүнийг хятад хүнтэй суулаа гэх мэдээлэл нэг хэсэг тархаж, гомдож бухимдсан тэрбээр албан ёсоор залруулга хийсэн ч нөхөртэйгээ хамт одоог хүртэл олны өмнө гарч ирээгүй нууцлаг, чимээгүйхэн байгаа. Тэрээр хөөрхөн охиноо хараад завгүй байгаа ч Ч.Насантогтохын тоглолтон дээр гүйгээд иржээ.

PAPARATSI.MN