Сараагийн ганц шавь Насаа удахгүй ээж болно

Улсын филармонийн гоцлол дуучин гэхээсээ илүүтэй зууны манлай дуучин Б.Сарантуяагийн ганц шавь гэдгээрээ олонд танигдсан Л.Насанбуян тун удахгүй үрийн зулай үнэрлэх нь ээ. Тодруулбал тэрбээр “Хувьсал” продакшны дэлгэцийн ээлжит уран бүтээл болох “Миний нууц” киноны нээлтэнд ирэхэд нь бид түүний бие давхар агшныг анх удаа папарацидсан энэ юм. Удахгүй үрийн зулай үнэрлэн ээж хэмээх эрхэм алдрыг хүртэх гэж буй Насаа хавар цаг ирснийг мэдрүүлэх шиг хар өнгийн пальтог өнгө ижил бүрх малгайтай хослуулан өмссөн байлаа.

Албан бус эх сурвалжийн мэдээлснээр түүнийг үеийнхээ эмч залуутай нэг гэр бүл болж буй гэсэн мэдээлэл байна. Юутай ч “Алтан унжлагат” тахиа жилд рок попынхон өнөр олуулаа болж бүл нэмэх нь.

PAPARATSI.MN