У.Хүрэлсүхийн фракцын дотоод зөрчил Л.Оюун-Эрдэнээр илэрлээ /бичлэг/

Admin
2017/01/02

Морь уядаггүй ч адуунд хайртай шадар сайд У.Хүрэлсүхийн гэх фракцид хагарал гарчээ. “Шанааддаг” шадар сайдын “гарыг нь ганзаганд, хөлийг нь дөрөөнд” хүргэсэн Л.Оюун-Эрдэнэ Засгийн газрыг яст мэлхий шиг удаан ажиллаж байна хэмээн шүүмжиллээ. Уг нь шадар сайдын эрхлэх хүрээний асуудал болох онцгой байдал, мэргэжлийн хяналт зэргийг шүүмжлэх нь хориотой байсан. Манай сайтад Замын-Үүдийн чөлөөт бүсийн асуудлыг бичлээ хэмээн дарамт ирж байсан. Учир нь энэ нь шадар сайдын эрхлэх ажилд харьяалагддаг гэнэ. Гэтэл энэ хорио чуулганы танхимд хүртэл алдагджээ. Шадар сайд У.Хүрэлсүхийн итгэлт хүн, УИХ-ын гишүүн Л.Оюун-Эрдэнэ энгэр заамаа зайдгайлж байгаад намынхаа бас “мэргэжлийн” гэх Засгийн газрыг  мөнгө зарах, бүтэц данхайлгахаас өөр зүйлс ярихаа болилоо хэмээн зад шүүмжиллээ.

 

 Түүний хэлсэн үгийг товчилбол :

 

- 2017 оны 3-р сард 580 сая ам.долларын зээлээ яаж төлөх юм. Дампуурал буюу дефольт руу явлаа. Яаж төлөх, ямар шийдэл байгааг хэн ч ярихгүй байна. Депольт болвол 70 жилийн дараа л гарна.
- Монгол Улсын жилийн орлого 5 их наяд төгрөг. Харин Хөгжлийн банкны зээл мөн адил хэмжээтэй.Гэтэл бид энэ банкны зээлийн 70 хувийг эргэн төлөгдөх нөхцөлгүй гэж дүгнэлээ
- Ийм байхад гадаад бонд босгоод хэн авах юм бэ?
- Оюутолгой, Тавантолгойн ордыг Засгийн газар бие даан шийдэх нь буруу. УИХ оролцох ёстой
- Ерөнхий сайд, Сангийн сайд, Монголбанкны ерөнхийлөгч 3 хариуцлагагүй байна
Ийнхүү мэргэжлийн гэх Засгийн газар чадамжгүй болсоныг намых нь залуучууд дэгдээгээд эхэллээ. Намынхаа Засгийн газрыг шүүмжлэх эрх зөвхөн Ц.Нямдорж нарын архагуудад харьялагдаж ирсэн бол өдгөө залуус нь шүүмжилдэг болжээ. НАМЗХ-ын шатаар намын элит давхаргад орсон Л.Оюун-Эрдэнэ хүртэл Засгийн газраа шүүмжилдэг болжээ. Хэрвээ Ерөнхий сайд унавал шадар сайд дагаад унана.
 
 

Сүүлд нэмэгдсэн мэдээ
1 цаг

Монгол, Японы Засгийн газрууд Нөмрөгийн түймрийн дараах хүнд цаг үеийг хамтдаа даван туулахаар тогтов
1 цаг

Өвлийн монгол хэл бичгийн болон элсэлтийн шалгалтад хоёроос дээш хичээл сонгож бүртгүүлнэ
2 цаг

ОЛОН УЛСАД ХҮЛЭЭН ЗӨВШӨӨРӨГДСӨН ХАРААТ БУС, ХӨНДЛӨНГИЙН АУДИТЫН АЖИЛ ДУУСАЖ, ТАЛУУД ХАМТЫН АЖИЛЛАГААНЫ САНАМЖ БИЧГИЙН ХЭРЭГЖИЛТИЙГ БАТАЛГААЖУУЛЛАА
4 цаг

Шатахуун түгээх станцуудын үйл ажиллагаанд хяналт шалгалт үргэлжилж байна
11 цаг

Өнөөдөр ихэнх нутгаар бага зэрэг дулаарна
Өчигдөр

Багш, эмч нарын цалингийн хэлэлцээрт яаралтай өөрчлөлт оруулахыг Л.Энх-Амгалан, Э.Батшугар нарт даалгалаа
Өчигдөр

Чингэлтэй дүүргийн 149 дүгээр сургууль нүүрс түлдэггүй, ногоон сургууль боллоо