М.Энх-Амгалан: С.Зоригийн хэрэг нотлогдсон... Яллагдагсад захиалгаар хүний амь хохироож, хэргээ нуухын тулд 4-н хүнийг алж шатаасан...

Улсын Ерөнхий прокурор УИХ-ын чуулганд ийм мэдэгдэл хийлээ. Төрийн нууцын зэрэглэлтэй мэдээллийг үүнээс өөр ойрын эх сурвалжаас бид авах боломжгүй юм. УИХ-ын гишүүн, Дэд бүтцийн хөгжлийн сайд асан С.Зориг агсаныг онц хэрцгийгээр хутгалан алсан хэрэг 18 жилийн өмнө гарч байлаа.

"Монголын нөлөө бүхий нэгэн эрхмийн малчин асан хүмүүс холбогдсон" гэгддэг хэргийг 5 хоног шүүх хэлэлцсэний эцэст яллагдагчаар татагдсан Ц.Амгаланбаатарт 25, Б.Содномдаржаад 25, Т.Чимгээд 24 жилийн хорих ял оноосон байна.Эдгээр гурван хүнийг онц хэрцгий харгис аргаар, шунахайн сэдэлтээр, захиалгаар, бүлэглэн хүний амь нас хөнөөсөн гэж үзсэн.