“Мобиком” хэрэглэгчидээ хохироосоор байна

Үүрэн телефоны анхдагч операторуудын нэг болох “Мобиком” корпораци өдөөдрийн 11 цагын үеэс эхлэн сүлжээндээ доголдол гаргаж, дуудлага хийгдэх боломжгүй болгож олон зуун мянган хэрэглэгчдийнхээ эрх ашигт ноцтой зөрчил учрууллаа. Цахим сүлжээгээр “Мобикомын сүлжээ яачихав аа?” гэсэн маш олон хүний сэтгэгдлүүд нийтлэгдэж, ажлын өдрөөр ажил хэрэг болон амин хувийн асуудлаа гар утсаараа зохицуулах олон хүмүүс уурлаж, бухимдсан нь илт харагдаж байлаа.

Ер нь “Мобиком”-н хувьд хэрэглэгчдийнхээ нэгж, төлбөр, интернетийн дата эрх зэрэгт маш их нэгж, мөнгө суутган авдаг гэдгээрээ маш их гомдлыг хүлээж авдаг. Энэ мэт хариуцлагагүй, шулаач, зөвхөн өөрсдийн эрх ашгаа боддог байдлаас нь болж үйлчлүүлэгчид өөр аль нэгэн уян хатан нөхцөлтэй, хэрэглэгчидээ дээдэлдэг операторыг сонгоход хүртэл хүрдэг. Сүүлийн үеийн мэдээллээр бол хэрвээ та 3G болон болон 4G сүлжээ ашигладаг бол 2G тохиргоо хийснээр дуудлага хийх боломжтой болох юм байна. Одоогоор “Мобиком” корпораци хэрхэн үйлчлүүлэгчдээсээ хүлцэл өчин, хохирол барагдуулж хэвийн ажиллагаандаа орох нь тодорхойгүй байна. 

PAPARATSI.MN