АН-н дарга З.Энхболд: Ж.Эрдэнэбатын Засгийн газар сул дорой байгаа учраас MCS-н дайралтад өртөж байна

АН-н дарга Зандаахүүгийн Энхболд сэтгүүлчдэд мэдээлэл хийлээ. Тэрбээр:

-       “Хишиг арвин” ХХК-тай би ямар ч холбоо байхгүй, намайг энэ компанитай холбоотой гэж бичиж байгаа хөлсний хэдэн бичээчийг би шүүхэд өгөх гэж байгаа.

-       С.Зоригийн дүү С.Оюуны цаасаар гаргасан мэдүүлгийг би харсан. Гэхдээ шүүхийг бид шүүх эрх байхгүй. Мэдэхгүй зүйлээ яриад яахав дээ. Хэвлэл мэдээллийнхэн энэ хэргийг одоо ил болгохыг шаард. Нууц юм бол хардлага л дагуулдаг.

-       MCS компани “Таван толгой” руу ээлжит дайралтаа хийж байна. Эхний дайралт бүтээгүй. Одоо бол Ж.Эрдэнэбатын Засгийн газар сул байгаа учраас хоёр дах дайралтаа хийх гэж байна. Таван толгой бол ард түмний өмч. Эд нар ээлжит дайралтаа хийхийхнээ өмнө “Төсөв мөнгөгүй боллоо, цалин мөнгөө тавьж чадахааргүй боллоо. “Таван толгой”-гоо өгөхөөс өөр аргагүй боллоо” гэж бэлтгэл ажлаа хийж эхлээд жүжиг тавьдаг юм. Миний мэдэхээр энэ жүжгээ сүүлийн зургаан сарын өмнөөс бэлдээд эхэлчихсэн байгаа. Хэрвээ “Таван толгойг” зарах юм бол шүүхдэнэ гэдгээ мэдэгдэж байна... гэсэн  юм. 

PAPARATSI.MN