Тагнуулынхан сайтын мэдээг устгуулжээ

“Ардын их хурал” хөдөлгөөнөөс ард түмний сонорт хэмээх ухуулах хуудсыг э гаргаж,  энэ сарын 5-6-ны өдрүүдэд хотын гудамжаар наасан билээ.  Хуудсыг наасан  залуусыг тагнуулынхан баривчлан  байцааж, заримынх нь бичиг баримтыг хураасан. Гэтэл энэ талаарх мэдээллийг олон нийтэд хүргэсэн зарим сайтыг   тагнуулынхан айлган сүрдүүлж,  мэдээг устгуулсан байна.     

“Ардын их хурал” хөдөлгөөнөөс гаргасан  ухуулах хуудсанд “Чингэс бонд нэрээр босгосон хөрөнгийг нам дамнаж, эрх ашгаараа нэгдсэн олигархиуд хувааж авлаа. Үүнийг та бид үе удмаараа төлнө. Харин тэд хариуцлагын гадна үлдддэгээрээ үлдэнэ. Энэ бүхэн “Монгол Улсад засгийн бүх эрх мэдэл ард түмний мэдэлд” байх  Үндсэн хуулийн 3.1 дэх заалт зөрчигдөж, эгэл түмэн бүрэн эрхээ хэрэгжүүлэх боломж хаагдмал байгаагаас үүдэлтэй. Ард олны эрхийг хэрэгжүүлэх ардын их хуралтай болох нь одоогийн тогтолцоог өөрчилж, олигархжсан төрийг халах цорын ганц арга мөн. Цаг нь ирлээ. Тогтолцоог өөрчлөх их үйлсэд нэгдэгтүн” хэмээн бичжээ.