Хан-Уул дүүргийн удирдлага хамгийн түрүүнд хаягаа улааруулжээ

МАН VII Бага хурлаараа яг одоо дотоод асуудлаа хаалттай хэлэлцэж буй юм. Үнэмлэхүй ялалт байгуулж Засгийн эрхийг барих болсон тус намын ээлжит "өөрчлөлт" нь байгууллагуудыг хаягны өнгийг өөрчлөх бололтой. Тодруулбал, АН-ын үед цэнхэр өнгөтэй байсан Хан-Уул дүүргийн байр улаан өнгөтэй болжээ. Энэ талаар "Twitter"-т @uyangakhaliunaa хэрэглэгчийн бичсэнээр ХУД-ын Иргэдэд үйлчлэх төв байрны хаягийг улаан өнгөтэй болгон өөрчилсөн байна.

Энэхүү өөрчлөлтийг  Хан-Уул дүүргийн Засаг дарга Ж.Алдаржавхлан хийжээ. АН-ын дөрвөн жилд цэнхэр байсан Хан-Уул дүүргийн хаяг МАН-ын даргын үед заавал улаан байх ёстой аж.

Өнгөрсөн сарын 17-нд албан ёсоор батламжлагдаж, ажлаа хүлээн авсан шинэхэн дарга  Ж.Алдаржавхлан нэр, хаягаа өөрийн болгож авснаар ажлаа эхэлж буй бололтой.