Олгой хагаравч тогоон дотроо буюу өмгөөлөл

УИХ-ын чуулган дээр /2016.12.08/ “оффшор”-ын асуудлаар гишүүд санал зөрөлдөв. Хууль зүй дотоод хэргийн сайд, Хууль зүйн байнгын хорооны дарга нар нь “оффшор”-той холбоотой хуулийн төслийг дэмжиж байгаа юм. Харин УИХ-ын гишүүн Ц.Нямдорж, Т.Аюурсайхан нар дутуу дулимаг хуулийн төсөл гэж шүүмжлээд, дахин боловсруулах санал гаргасан билээ.

УИХ-ын гишүүн Т.Аюурсайхан бол анх энэ хуулийн төслийг хэлэлцэж эхлэх үеэс л эсэргүүцсэн.  Тэрбээр “Төрийн болон улс төрийн албан тушаалтны ар гэрийнхэн оффшор данс эзэмших эрхгүй” гэж үзэж байгаа юм. Ингээд ч зогсохгүй өнөөдрийн чуулган дээр “С.Баярцогтын оффшор данс илэрч УИХ-ын дэд даргын суудлаа өгч байсан. Тиймээс оффшор данстай Сү.Батболдод хариуцлага тооцох хэрэгтэй. Түүнд албан тушаалын хариуцлага тооцож, Тусгай хяналтын дэд хорооны даргаас буулгах нь зүйтэй” гэв. Түүний хариуд Хууль зүй дотоод хэргийн сайд С.Бямбацогт “Олгой хагаравч тогоон дотроо гэж үг байдаг. Микрофоноо буруу ашиглаж нэг нэгрүүгээ дайрах хэрэггүй” гээд ахын сургаал айлдаж, багахан “банга” хүртээв.

NEWS.MN