ОХУ-ын Элчин сайдын яам С.Амармандахын гэр бүл болон өмгөөлөгч худал мэдээлэл тараасан гэв

Дуучин С.Амармандах болон түүний гэр бүл ОХУ-ын Элчин сайдын яаманд хандан хүсэлт гаргасан байна. Тус хүсэлтийн дагуу ОХУ-ын ЭСЯ-ны удирдлагууд дуучны гэр бүлийг хүлээн авч уулзсан. Энэ тухай түүний өмгөөлөгч Г.Батбаяр, "ЭСЯ-ны Ерөнхий нарийн бичгийн дарга дуучин С.Амармандах болон түүний гэх бүлээс дахин дахин уучлалт гуйхаар болсон. Мөн энэхүү асуудалд ОХУ-ын Ерөнхийлөгч В.Путин анхаарлаа хандуулан ажиллаж  байна" хэмээн мэдээлсэн.

Гэвч өмгөөлөгч Г.Батбаярын мэдээллийг үгүйсгэсэн мэдэгдэл ОХУ-ын Элчин сайдын яамны орос хэл дээрх веб хуудаснаа нийтлэгджээ.

Тодруулбал, Монголын хэвлэл мэдээлэл уг хэрэгтэйгээр холбоотойгоор худал мэдээлэл цацаж байна. Дуучин С.Амармандах манай дипломат төлөөлөгчид гаргасан гомдлыг тодруулахын тулд түүний өмгөөлөгчийг хүлээн авч уулзсан. Өмгөөлөгч ямар нэгэн тохиролцоог санал болгоогүй. Тиймээс уулзалтыг гуйвуулсан мэдээлэл гаргасан тул дуучны гэр бүл болон өмгөөлөгчтэй дахин уулзалт хийхгүй. Нэг удаа худал хэлсэн бол дахин хэн ч итгэхгүй хэмээн бичжээ. 

Б.Учрал

BreakingNews.MN