Мянганбаяр ах аа одоо болио! Та ямар хуц ухна мал биш дээ

Энэ жилийн “Гоёл-2017” наадам Топ модель шалгаруулаагүй нь үзэгчдийн сэтгэлийг нэг их гонсойлгоогүй ээ. Угаасаа л шаардлага хангахуйц бус, зөвхөн гоё сайхан харагдахдаа анхаарсан хэдэн миссүүдийн амь тэмцсэн тулаан болдог энэ наадамд хэний охин Ц.Мянганбаярын овоо хараанд өртөж, удаах хүүхдийг нь төрүүлэх бол гэсэн хүлээлтийг үүсгэдэг болсон нь хэний ч өмнө илхэн байдаг нь нууц биш юм. Энэ наадмын тухайд сэтгүүлч Уламбаяр гэх залуу өөрийн сэтгэгдлээ дараах байдлаар цахим хуудсаараа дамжуулан илэрхийлснийг уншигч тантай хуваалцаж байна.

Тэрбээр:

“Жил жилийн "Гоёл" наадмыг үзэхээр энэ зураг санаанд буудаг. Би боддог юм. Мянганбаяр ах аа одоо болио! Та ямар хуц ухна мал биш дээ. Өөрөө мөнгөтэй байж болно. Гэхдээ утгаа алдлаа ш дээ. Playboy-ийн Хью Хефнер өвөө ч ингэхгүй дээ. За тэр хүүхнүүд үнэхээр дүүрч гэж бодъё. Яахав зоостой эрээс хүүхэд гаргаад гоё амьдрахыг бодоо биз. Угаас одооны хүүхнүүдийн будаг нь зузаан байх тусам ухаан нь нимгэн болсон. Уг нь таны насан дээр эр хүн сайхан намбатай өтөлдөгсөн. Хөгшинөө халамжлаад, үр ачаа хүмүүжүүлээд, сайн үйлсэд нэгдээд л. Бүр дурсамж ном бичих юм билээ. Гэтэл та шар сэмжлээд. Муухай биш үү? Та лаагаа иднэ үү луувангаа иднэ үү надад падгүй. Гэхдээ та залуу хөөрхөн охидыг бүү бузарла! 00-ийн цаас шиг сольж яваа наад охидод чинь ирээдүй гэж бас бий. Өөрөөс чинь илүү хайрлаад хань болчих залуус олон доо. Тэр охид хүүхнүүд ч гэсэн ухаантай бай! Донтой өвөөг бүү өөгшүүл. Үйлийн үртэй хорвоо. Бүү март! Өөр зүйлгүй дээ. Гялайв...” 

PAPARATSI.MN