Тайгад юу болох гээд байна

Монгол анхны ардчилсан чөлөөт, хувийн “25 дугаар суваг телевиз”  шоу нэвтрүүлгийг жинхэнэ утгаар нь зохион явуулж үзэгчдийг цэнхэр дэлгэцийнх нь өмнө уяж чаддаг билээ. Өмнө нь Монголын алс баруун хязгаарт байх Баян-Өлгий аймгийн Алтай сумын малчин залууг гол дүрээ болгож “Улаанбаатарт нэг удаа” хэмээх шоу нэвтрүүлгийг бэлтгэн хүргэж байсныг үзэгчид маань санаж байгаа биз ээ. Тэгвэл энэ удаа тухайн нэвтрүүлгийн үргэлжлэл болох “Тайгад нэг удаа” реалити шоу нэвтрүүлгийг бэлтгэн хүргэх гэж байгаа гэнэ.  

Уг шоунд Монголын хойд хязгаар болох Хөвсгөлийн Цагааннуур сумын зүүн тайга руу Улаанбаатар хотод төрж өссөн “Making the band-3” шоу нэвтрүүлгээс төрөн гарсан MIXX хамтлагийн дуучин Темпо, мөн “Making the band-4” шоу нэвтрүүлгээс төрөн гарсан “Code26” хамтлагийн дуучин Булгантамир нарыг  сонгон авчээ.  Тэднийг цаатан ардын амьдралд хэрхэн дасан зохицож, Хөвчийн гүнд зуны урцанд яажшуухан долоо хоног аж төрөхийг харах боломжтой юм. “Тайгад нэг удаа” реалити шоу нэвтрүүлэг арванхоёрдугаар сарын 1-нээс эхлэн 7 хоног бүрийн пүрэв, баасан гарагт 21:35 минутаас 25 дугаар суваг телевизээр цацагдана гэж байна шүү. Тайгад чухам юу болох гээд байгааг та ч бас шимтэн үзээрэй. 

PAPARATSI.MN