Манайх 50 ам.доллароор зардаг нүүрс дэлхийн зах зээл дээр 250 ам.долларт хүрчихлээ

Гэтэл манайх 50 ам.доллароор худалдсаар. Бүр 28 ам.доллар байсныг Ерөнхий сайд Ж.Эрдэнэбат “нүүрсний бодлого” ярьж байж өсгөсөн. Гэвч дэлхийгээс хоцорсоор л байна. Бидэнд одоо юу байна вэ. Ухаж илрүүлээд, хил давуулан зөөж буй нүүрс л байна. Өдөртөө хэдэн машин хил давж байгааг нарийн тооцоолсон дүн мэдээ алга. Гэхдээ 80-100 тонн ачаатай автомашинууд урд хил рүү цуваа болон тээвэрлэлт хийсээр л байна.

Одоо бусдыг тэжээж ханалаа шүү дээ. Ард түмэн чинь туйлдаж гүйцлээ. Ядаж нүүрсээ дэлхийн үнээр зардаг болмоор байна. 250 ам.доллароор зарж чаддаггүй юм бол 100 доллароор ч зарсан болж байна. Үүний дараа манай эдийн засаг эрс сайжирч, иргэдийн нуруу ч тэнийж эхэлнэ биз.

Хэнтэй ямар тохироо хийсэн болоод 250 ам.долларын үнэтэй нүүрсээ 50 ам.доллароор зараад сэтгэл амар суугаад байдаг юм бэ. Үнэхээр ойлгох юм алга. Олсон ашгийнхаа талыг нь идсэн ч Монгол Улс хөгжиж болохоор цаг үе тохиогоод байна шүү дээ. Ноёд минь ухаараач.

Үндэстэн агентлаг