Замын хальтиргаа арай дэндлээ, Бат-Үүл даргыгаа санаад байна аа

Зам тээврийн осол болон хальтиргаа гулгаа эрс нэмэгдсэн өдрүүд үргэлжилсээр байна. Их хэмжээний цас орж ард иргэдийн аюулгүй байдалд эрсдэл учирсаар байна. Үүний нэг жишээ бол Гэмтэл согог судлалын үндэсний төвийн статистик тандалт судалгааны албанаас мэдээлж буйгаар одоогийн байдлаар 341 хүн цас мөсөн дээр хальтирч, гэмтэл авсан гэсэн мэдээлэл байна. Мөн амь насаараа хохирсон золгүй тохиолдол ч гарсан байна.

Үүний улмаас Гэмтлийн эмнэлэг ихээхэн ачаалалтай ажиллаж байгаа бөгөөд эмч нарын хүрэлцээ муу байгаа юм байна. Мөн цочир хүйтэрснээс болоод “хөлдөх” тохиолдол цөөнгүй гарчээ. Энэ мэтчилэн гэмтэж бэртсэн иргэд урт дугаар үүсгэн оочерт хүлээн зогсож байна.

Энэ жилийн хувьд  хотын даргын захирамжаар Нийслэлийн аж ахуй нэгжүүд гадаах талбайгаа ганцхан өдөр цэвэрлэсэн бөгөөд, зам дээр цацах давсны нөөц дууссан гэх мэдээллийг хамгийн сүүлд өгөөд байгаа. Харин ард иргэд хуучин хотын мээр Бат-Үүлийг дарга байх үед арай ч ийм байгаагүй хэмээн эмзэглэж, ямар сайндаа л “Хальтиргаа гулгаа арай дэндлээ, Бат-Үүлийгээ одоо л нэг юм санаж байна” гэцгээж байна гэнэ. 

PAPARATSI.MN