Н.Алтанхуяг тохиролцож чадаагүйгээсээ болж төрсөн дүүгээ чирсэн үү?

-ҮЗХ-ны хурлын дараа Н.Алтанхуягийн дүүг баривчилжээ-

Ерөнхий сайд асан Н.Алтанхуяг саяхан мэдээлэл хийхдээ Ерөнхийлөгчид нэр дэвшихээ зарласан. Мөн ингэж мэдээлэл хийсний дараа  магадгүй улстөрийн дайралт ирэх байх гэж хэлж байсан юм.

Тэгвэл өчигдөр буюу АН-ийн ҮЗХ хуралдсан өдөр дүүг нь хилээр гарахыг хориглож, цагдан хорьсон нь Н.Алтанхуягт өгч буй сануулга гэж учир мэдэх хүмүүс ярьж байна. 

Тодруулбал, эх сурвалжийн мэдээлснээр ҮЗХ-ны хурлаас өмнө Н.Алтанхуягтай тохироо хийх хэд хэдэн санал ирсэн боловч алийг нь ч хүлээж аваагүй гэх. Тиймээс хурлын өмнө дүүг нь зөвхөн хилээр гаргахыг хориглож байсан бол ҮЗХ-ын хурлын дараа шууд захирамж уншиж хорьсон тухай мэдээлэл байгаа юм.

Мөн Ерөнхий сайд асан Н.Алтанхуягийн эхнэрийг хилээр гарахыг хориглоод байгаа. Тодруулбал, энэ сарын 5-нд түүний эхнэр Э.Сэлэнгэ Герман улс руу зорчихоор Москва-Берлиний чиглэлийн онгоцоор нисэх гэж байхад нь хуулийнхан саатуулсан юм. Ийнхүү Н.Алтанхуягийг эхнэр болон дүүг нь хилээр гарахыг нь хориглосон нь улс төрийн шалтгаантай гэж үзэхэд хүргээд байна.

Grandnews.MN