Д.Пүрэвсүрэн загварын тайзнаас зодог тайлсан ч эмгэн болтлоо жүжиглэнэ

Топ модель Д.Пүрэвсүрэнгүйгээр загварын тайзыг төсөөлөхөд бэрх санагдах үе бий. Яалт ч үгүй өөрийн чадвар чансаагаараа дээгүүрт тооцогддог түүний амьдрал олны нүдэн дээр үргэлж ил байдаг ч жүжигчин, загвар өмсөгч бүсгүй маань сүүлийн үед нам жимхэн амьдралыг илүүд үзэх болсон. Өнгөрсөн өдрүүдэд болж өнгөрсөн дизайнер Д.Отгонжаргалын “O Couture” загварын шоуны нүүр царайгаар ажилласан тэрбээр фото моделийн үүрэг гүйцэтгэснээс бус тайзан дээр алхаж тансаг даашинзуудыг амилуулсангүй.

Түүнийг хэсэг амарсны эцэст загварын тайзнаа буцан ирж байна гэсэн олны хүлээлт үгүй болсноор барахгүй “Дахин загварын тайзан дээр алхахгүй ээ, залуу сайхан насныхаа гоо үзэсгэлэнг энэ хэвээр нь л хадгалан үлдмээр байна. Харин уран бүтээлийн хувьд бол эмгэн болтлоо жүжиглэнэ” хэмээжээ. Ямартай ч Монголын сайхан бүсгүйчүүдийн нэг загварын тайзнаасаа зодог тайлахаар ийнхүү сэтгэл шулууджээ. 

PAPARATSI.MN