Трампыг эсэргүүцэж, Мадонна, Шер тэргүүтэй мянга мянган хүмүүс жагсаж байна

АНУ-ын 45 дахь ерөнхийлөгчөөр Бүгд Найрамдах намын Доналд Трамп сонгогдсон. Өмнө нь түүнийг тэрбумтан, хүүхэмсэг эр гэж тодорхойлдог байсан бол өдгөө “эрхэм ерөнхийлөгч өө” хэмээн дуудах болж.

Гэсэн хэдий ч олон мянган Америкчууд түүнийг үл хүлээн зөвшөөрч, “Трамп бол бидний ерөнхийлөгч биш” хэмээн жагсаал хийж байна. Сонгуулийн үр дүнг хүлээн зөвшөөрөхийг хүсээгүй олон мянган жагсагчид Нью Йорк хотноо жагсаж, “Black lives matter” “ Рацист үзэлтэй, бэлгийн гаж донтой, цэнхэрүүдийн эсрэг Доналд Трамп зайл” хэмээх бичиг энд тэндгүй барьжээ.

Тэдгээр хүмүүсийн дунд  Ардчилсан намын Хиллари Клинтонг идэвхитэй дэмжигч дуучин Мадонна, Шер нар байгаа бөгөөд жагсагчдад хандан дуу хоолойгоо төрд хүргэхийн тулд жагсаалын ширүүн тэмцлийг сонгох ёстойг уриалж байгаа аж.

Жагсагчид Юнион Сквер, Колумб серклөөс Трамп цамхагийг чиглэн жагсаалаа үргэлжлүүлж явна. Түүнчлэн Нью Йорк хотоос гадна Чикаго, Иллинойс, Портланд, Орегонд Доналд Трампыг эсэргүүцэгчид замын хөдөлгөөнийг хаажээ.

Эх сурвалж: ZONE.MN