Хөдөлмөрийн хөлсний доод хэмжээг 25 хувиар нэмнэ

Хөдөлмөр, нийгмийн зөвшлийн гурван талт үндэсний хорооны хуралдаанаар хөдөлмөрийн хөлсний доод хэмжээг нэмэх тухай хэлэлцсэн байна.

Эдийн засгийн хямралтай энэ үед хөдөлмөрийн хөлсний доод хэмжээг нэмэх нь эрсдэлтэй гэж үзэх хүмүүс ч байгаа юм. Гэхдээ Засгийн газраас олон хувилбараар эдийн засгийн тооцоо, судалгааг хийсэн байна. Тухайлбал, 40 хувиар нэмбэл эдийн засагт сөрөг үр дагавартай учир эхлээд 22.5 хувь гэсэн шийдвэр гаргажээ. Гэвч ярилцсаны эцэст  тэгш тоо болгон 25 хувиар нэмэх шийдвэр гаргасан байна. Шийдвэрийг 2017 оны нэгдүгээр сарын 01-ний өдрөөс мөрдөж эхлэхээр болжээ.

Одоогийн байдлаар нийт ажил эрхлэгчдийн 4 хувь нь хөдөлмөрийн хөлсний доод хэмжээгээр цалинждаг юм. Тиймээс энэ нь ард иргэдийн хувьд үнэхээрийн баяртай мэдээ боллоо. 

Эх сурвалж: Breakingnews.mn