Нохой нь урсаны төлбөрт биеэ эзэмдүүлэхийг шаардаад хүчирхийлжээ

Буриадын Кабанскийн районы төвд айлын нохойд уруулсны хохирлоо нохойн эзэн эмэгтэйг эзэмдэж “барагдуулсан” хэрэг гарчээ. Орон нутгийн диско бааранд оройжин наргисан 19 настай буриад залууг гэрийн зүг явж байхад нь гэнэт зуудаг нохой дайрч бараг урах шахжээ. Халамцуу залуу арайхийн зугтаан танилынхаа хашаанд орж аврагдсан гэнэ. Гэхдээ ахин дайрч магадгүй хэмээн тэднийхээс том хутга аваад цаашаа явжээ. Гэтэл гудамжны өнцөгт нөгөө нохой дахин дайрч хэдий хутгаараа хамгаалсан ч яаж чадалгүй хөлнөөсөө зуулгажээ.

Азаар хүн тааралдаж салгахад хэний нохой болохыг нь асууж аваад нөхөн төлбөр нэхэхээр явсан гэнэ. Буриад залуу хашаанд нь орон гэрийн эздийг гарч ирэхийг шаардаж хашгирчээ. Гэтэл эзэн нь биш харин эзэгтэй нь гарч ирсэн нь дунд насны тун аятайхан эмэгтэй байсан гэж хэрэгтэн дараа нь мэдүүлсэн гэнэ. Эмэгтэйн гадаад төрхийг тэр дор нь үнэлсэн хохирогч нохой нь урсаны “нөхөн төлбөрийг” биеэрээ төлөхийг шаарджээ. Татгалзахад нь авч явсан хутгаараа сүрдүүлж байгаад саравчинд нь орж хохирлоо “барагдуулаад” явсан ч цагийн дараа баригджээ.